DINAMIZACIÓN e
DIDÁCTICA
Unidades didácticas e
outros recursos
COMO SE FAN ENTREVISTAS PARA RECOLLER HISTORIAS DE VIDA E PATRIMONIO CULTURAL INMATERIAL
Se queredes recoller a historia de vida e saberes dalgún Tesouro Vivo, o traballo de campo e a entrevista son os métodos máis axeitados.
Aquí tedes un pequeno manual de como facer entrevistas para recoller historias de vida e patrimonio cultural inmaterial: unha escolma de recomendacións, consellos e boas prácticas que de seguro vos han axudar.
Podedes descargar a guía aquí:
PROPOSTAS DIDÁCTICAS ARREDOR DO PATRIMONIO ORAL
Para 1º e 2º da ESO.
Esta unidade didáctica elaborouse ao abeiro do proxecto europeo BABEL, subvencionado polo programa europeo Erasmus + da Unión Europea.
Podedes descargar a unidade didáctica aquí:
Actividades de dinamización e divulgación
BIBLIOTECAS VIVENTES
Unha Biblioteca Vivente é, en esencia, unha biblioteca na que os libros son persoas e a lectura dos mesmos, unha conversa. Persoas con singulares historias de vida ou que posúen determinados coñecementos e que difunden a súa experiencia a través da interacción, entrevista e diálogo cos usuarios/as. Para ser un Libro non cómpre ser unha eminencia ou recoñecido estudoso, senón contar con experiencia vital ou saberes cos que poder ilustrar a outras persoas que descoñecen e teñen curiosidade. Todos somos potenciais Libros e Lectores.
A Biblioteca Vivente é un proxecto educativo e cultural que pretende achegar coñecementos ás persoas dun xeito ameno, directo e participativo. É un proxecto de dinamización do coñecemento que convida a indagar e a descubrir aspectos novidosos sobre o tema proposto desde a propia experiencia e desde os propios intereses. Axuda a combater o descoñecemento, ignorancia, prexuízos e estereotipos dunha maneira activa e vivenciada.
+ INFO:
ENTRA NO BAILE A BAILAR(E)
Obradoiro teórico-práctico para achegarlle á chavalada as bondades do noso baile tradicional.
Realizaremos unha viaxe partindo da voz das persoas vellas que nos transmitiron este legado en constante actualización, e camiñaremos a través dos tempos ata o noso presente, onde afortunadamente o baile é un elemento vivo do noso patrimonio cultural inmaterial. Aprenderemos tamén algúns pasos para nos inciar no baile e así poder participar activamente nas festas do país e garantir así que este ben patrimonial viva mil primaveras máis!
.
+ INFO:
memoria colectiva e o patrimonio cultural inmaterial galego